martes, 29 de abril de 2014

CONXUNTO 3 BÁSICO. ULVA LACTUCA (VALSE)

Un tema composto expresamente para Conxunto  Básico polo mestre de zanfona da ETRAD, Anxo Pintos,. Podedes descargar o audio, a partitura xeral e as partichelas de cada especialidade instrumental.

martes, 5 de noviembre de 2013

CHOTE DE LEIRADO
Premede no link para acceder ás partituras e a un audio correspondente a unha audición de conxunto de anos anteriores.

Leirado é unha parroquia do municipio pontevedrés de Salvatierra de Miño. O seu patrón é San Salvador, ao que está dedicado a súa igrexa. Un barrio da localidade é denominado San Roque.

O Chote é unha das moitas denominacións que recibiron as polcas que chegaron a Galicia nos primeiros anos do século pasado, aínda que con este nome son moi escasas as recolleitas datadas en toda Galicia.


O chotis ou schotis é unha música e baile con orixe en Bohemia. O seu nome deriva do termo alemán Schottisch (escocés), unha danza social centroeuropea á que en Viena se quixo atribuír orixe nun baile escocés. Diversas variantes do schottisch perviven na tradición arxentina (schotis), austríaca, brasileira (xote), escandinava (schottis), española, finlandesa (sottiisi), francesa (scottish), italiana (chotis), inglesa (scottische), mexicana (chotís), paraguaia, portuguesa (choutiça ou chotiça), suíza e uruguaia.
O chotis púxose de moda en toda Europa durante o século XIX e pronto se estendeu ao continente americano

lunes, 30 de septiembre de 2013

martes, 14 de mayo de 2013

FOLIADA DE SAN FINS DO CASTRO 3ºB


SAN FINS DO CASTRO  FOLIADA
Popularizada polos gaiteiros TREIXADURA  e incluida no seu segundo traballo discográfico “UNHA NOITE NO MUIÑO”

  Foliada que se canta na parroquia de Cesullas (Cabana). Fai referencia á romaría de San Fins do Castro, célebre polo "berro seco" instaurado polo crego Saturnino Cuíñas.

PENSA MIÑA NAI QUE ESTOU
PESCANDO NA CARBALLEIRA,
ESTOU NO SAN FINS DO CASTRO
BAILANDO UNHA MUIÑEIRA.

A MIÑA NAI PORQUE PUIDO
FIXO UNHA CASA NA ILLA,
PARA VER ÓS DE NEAÑO
COMO PESCAN A SARDIÑA.

O CURA DE CORME É XASTRE
MALPICANO E MARIÑEIRO
O DE PAZOS LABRADOR
E O DE CESULLAS GAITEIRO

http://www.ghastaspista.com/treixad.php